| |||||||
| ارشيف حواء للمواضيع المكررة والمحذوفة الموضوعات المكررة والمحذوفة والمتشابهة فى المنتدى |
 |
| LinkBack | أدوات الموضوع | إبحث في الموضوع | انواع عرض الموضوع |
 منذ 4 أسابيع | #1 |
.gif){kind=icon} رواية حياة الروح كاملة قصة سعودية رومنسية , الجزء السابعالجزء السابع ردت راما بصوت راجف:اااالو,, نسرين بصوت عالي:مييييمي,,, ,,,,,,,,, في امريكا,, كان يمشي رايح جاي قدام غرفة التشخيص و دقات قلبه في ماراثون عجيب,, يااااااارب يااااااااارب يكون خير يارب,, كان شكله مبهذل ,, على بلوزته آثار من الدم اللي استفرغه فهد في الطريق للمستشفى و شعره منكش من كثر ما شده من القهر و الانتظار ,, جاه سعيد : خالد,, مو زين عليك اللي تسويه بحالك,, ان شاء ما فيه الا الخير,, وكلّ ربك يا ريال,,ما يصير جيه,, خالد بصوت يحاول قد ما يقدر ما يخليه مرتجف:سعيد انت ما تدري لو فهد يصير فيه شي,, انا اموت,, سعيد يحط يده على كتف خالد:قل لا اله الا الله,, خالد تنهد و هو يقولها : لا اله الا الله,, فجأة طلع عليهم الدكتور خالد كان يتابع كل حركة يسويها الدكتور من لفه للسماعات حول رقبته او تحريكه لنظارته,, كان دكتور امريكي في نهاية الستينات,, الحوار بالانقليزي و ابكتبه بالعربي,, خالد بلهفة:دكتور,, علمني,,كيف فهد؟؟ الدكتور:بخير,, خليناه يستريح الحين,,حطينا له مغذي و قدرنا نوقف نزيف الرئة,, خالد يبلع ريقه و هو خايف من الاجابة:وش وش وش يشكي منه؟؟,,؟ الدكتور زم شفايفه :ما نقدر نحدد حاليا لين تطلع نتايج الاشعة و نشوف,, سعيد:متى تطلع الاشعة يا دكتور؟ الدكتور:بكرة او بعده ,, رواية حياة الروح كاملة قصة سعودية رومنسية جريئة خالد ضيق عيونه و رجع شعره على ورا:ممكن أشوفه دكتور؟؟ الدكتور:أكيد بس أرجوك لا تحاول ترهقه في الكلام,, خلوه يرتاح,, خالد مشى لداخل الغرفة بدون ما يرد على الدكتور,,فتح باب الغرفة و اتسعت عيونه و هو يشوف ولد عمه و صديق عمره بالشكل هذا,, مشى و هو يحلف في قلبه انه ما راح يبكي,,وصل لعنده و مد يده يمسح على شعر فهد,, كان شكله مبهدل,,, وجهه أصفر من الترجيع و شفايفه بيضا و فيه سلك عند أنفه ,, كانت بلوزته مفتوحة لين نص صدره و محطوط أجهزة على صدره,, خالد بهمس:فهد,, نزل لين وصل لمستوى أذنه و همس:فهد,,قوم,,قوم يا ولد عمي ترا و الله طيحتك مهيب سهلة,, و الله ان قلبي يرقص-قالها و تأمل ملامح فهد يدور على أي رد فعل على كلامه..كانت هاذي الكلمة دايم على لسان فهد-,,بو خالد,,قم,,رد علي,, دخل سعيد ووصل لعند خالد و مسكه مع كتفه:خالد قوم بويه وياي,,الدكتور يقول خلوه يرتاح,,يله فديتك,,امش,,خلنا نروح و باجر نييه و يكون صحا,, خالد ناظر سعيد و ابتسم و ملايين العبرات في حلقه بس هو ما يبي يبين ضعفه:يله جيت,, رجع لف على فهد و لد عمه و حبه على جبينه و طلع مع سعيد,, عند باب المستشفى,, خالد بامتنان و ه ماسك يد سعيد:مشكور يا سعيد و الله تعبتك معي,, سعيد:يا ريال شو هالرمسة ,, تعوذ من ابليس,,هاي سيارتك يبتها لك و هاذي المفاتيح,, ابي منك وعد تروح للبيت و ترتاح,, ابتسم خالد:ابشر,,فمان الله,, سعيد و هو يراقب خالد يركب سيارته و يرفع يده:بحفظه,, ركب خالد السيارة و شغلها و تحرك من المستشفى و هو في الطريق سمع صوت شي يهتز التفتت و الا هو جوال فهد قاعد يدق,, كان سايلنت و حاطه على الهزاز,,كان يلتفتت على الطريق و بعدين يلتفتت ورا يمد يده للجوال و يرجع يلتفتت للطريق لين مسكه و جابه عنده,, تجمدت كل مشاعره و حركاته عند الرقم اللي شافه يدق و الاسم الموجود على الشاشه,,هنا جته الصيحة بس سكت يوم الجوال سكت,,شاف ان المسد كولز الموجودة عددها 38 مسد كولز,,رجع الجوال دق و معه دق قلب خالد,, مسك نفسه قد ما يقدر بس ما صبر,, حب قلبه و حياة روحه هي اللي تدق,, رد بصوت كله شوق:آلو,, ريف باندفاع:فـــــــــــــهــــــد و أخيرا يا حيوااااااااااااااااان,, ابتسم خالد و هو يسمع صوتها و للحظة سكر عيونه يتخيلها بعدين فتحها,,:هلا ريف,, ريف:,,,,,,,, خالد:ريف... ريف:...... خالد ابتسم بقهر لهالدرجة ما ودها تسمع صوتي قال باستهزاء:ايه انا خالد,, ريف:هـ هـ هلا,, -قالت بسرعة- وين فهد؟؟ خالد بلع ريقه :نايم,, ريف بشك:وشلون نايم؟؟معليش قومه من النوم ابي اكلمه اتطمن عليه و الله ان قلبي قابضني عليه,, خالد"سلامة قلبك يا قلب خالد":و الله ودي بس هو –بلهجة مرحة- حالف ان محد يقومه لين يقوم!! ريف باستغراب و في نفس الوقت مو متطمنة من كلام خالد:حااااالف!! اقول خالد قومه و انا اتفاهم معه,, خالد"يا حلو خالد من فمك"بصوت مرح:و الله معليش كان ودي بس انتي ما تعرفين اخوك اذا عصب و الله يذبحني,, ريف ما صدقت خالد بس في نفس الوقت شي مريحها ان خالد يكلمها:خالد أمنتك بالله اذا فهد فـ..... خالد قطع عليها كلامها ما يبيها تحلف عليه لانه مايبي يكذب:لا تخافين حـ.."كان بيقول حبي بس مسك نفسه و قال"حتكونين اول وحدة تعرف لو فيه شي,, اخوك مدلع اذا صابته شوكه يعلم الناس كلها,, ريف تنهدت و سمع خالد تنهيدتها, خالد بصوت حنون:لا تخافين ريف,, انا مع فهد لو صار له شي,, ريف بغت تصيح من حنان صوته بس بلعت العبرة و قالت و صوتها خالي من المشاعر:و لــــــــــو,, خالد ابتسم بقهر:تامرين على شي؟ ريف ما تبي خالد يسكر بتمووووووووت من الشوق له بس كابرت و قالت:لا, باي,, سكرت بدون ما تسمع رده و هو باس التلفون و همس:الله يحفظك,, ,,,,,,,,,,,,,,,,, في السعودية,,, ريف,,,كانت سرحانة بصوت خالد مشتاااااااااقة له مرة,,تحس ان بخاطرها تشوفه و تحضنه,,هزت راسها عشان تبعد هالخاطر ,, ناظرت للطاولة اللي جنب الكنبة اللي هي قاعدة عليها و شافت صورة فهد موجودة جنب الابجورة,,رفعتها,,"ياااااا رب تحفظ خالد و فهد و ترجعهم لي بالسلامة يا رب,, يا رب تحميهم من كل مكروه",, صحيح سمعت صوت خالد بس الى الان قلبها منقبض,,دخلت عليها حلا و هي معها كاس عصير برتقال و كانت تمشي بسرعة :هاه رد عليك؟؟ ابتسمت ريف لحلا ما حبت تقول لها ان اللي رد خالد:ايه,, اشوى مافيه شي,, حلا تنهدت بارتياح:اووووه,, يختي الله يرجك انتي و قلبك المعفن ذا عشان بطنك مغصك مدري قلبك قلبتيها لنا مناحة و فهد فييييييييييه و فهههههههد اكيييييييييييد كذا و مدري وشو,, خلي عنك حركات الأمهات ذي بس,,و الله خسارة فيك العصير,, ريف عقدت حواجبها:وشو خسارته!! اللي يسمعك يقول الحين انتي عاصرته الله أكبر!! تلقينك صابته من العلبة للكاس,, حلا تشرب العصير تبي تقهر ريف و يوم خلصته مسحت على شفايفه العلوية بلسانها:يمي يمي,, ريف رمت عليها المخدة و قامت,, حلا مسكت المخدة و هي تناظر ريف كانت متأكدة ان اللي رد عليها مو فهد,,همست وهي تراقبها تمشي سرحان لغرفتها:و الله مكشوفة يا ريف,, ,,,,,,,,,,,,,,,,, راما و هي في السيارة تسمع لتوصيات امها و تهز راسها بملل:اوكي اوكي,, الحين ابروح اجيبه,, نسرين:و ما تنسيش برضو الكارد,,و معليش عاوزة كمان تغلفي الهدية ,, راما بقهر:ماما انتي بس قلتي بوكيه ورد,, اش هالطلبات اللي طلعت لي فجأة,, نسرين بزعل:خلاص مش عاوزة حاقة يا ست راما,, راما غمضت عيونها و رجعت راسها لورا و تحرك شفايفها بسبات انقليزية:خلااااااااااااااص اوكييييييييي ابروح الحين,, نسرين بفرحة:ماتحرمش منك اببببببدددددددددن,,يله بيبي سيو و تيك كير ,, راما:اووووووكي,, نسرين:و ريان و تالا خلي بالك منهم ,, راما:اوكي,, نسرين:بايباي,, راما:باي,, راما منقهرة:محمود,, روح لباريس غاليري,, ,,,,, بعد ساعتين كانت راما في البيت و بالتحديد على الكنبة اللي في الصالة في الدور الارضي,,تعبانة و رامية رجل في الشرق و رجل في الغرب,, نسرين و هي تناظر البوكيه:يا سلااااااااااام حلو أوي يا روحي,,ربنا يخليكي ليه ياااااارب,,-تناظر الهدية-ايييه ده,, دي تقنن,, حلوة اوي,,ربنا يخليكي ليه,, راما مبتسمة بتعب:ايه محلاك يا ماما تقولي مو حلوة,, نسرين تضحك على بنتها المتذمرة:ههههههههههههههه ربنا يخليكي ليه,, راما تضحك و تصفق يدينها:هههاااااااااااي ماما كم مرة قلتي ربنا يخليكي ليه,, خلاص فهمنا,, نسرين قامت من الكرسي:انا حروح اغير هدومي يا دوب نلحأ موعد الزيارة,, راما تبعت امها بفضول:ماما هاذي منيرة مدري حصة اللي بتروحون لها انا قد شفتها؟؟ نسرين وجهها تغير:ما زنش(ما اظن) راما:ليش ما تجي عندنا طيب؟؟ نسرين بضيقة:اصل هي بتكرهني و تكره كووووول زوجات عمانك-قالت الكلمة الاخيرة بلهجة سعودية مضبوطة-,, راما بقهر:ابي اعرررررررررف وش العيب فيكم؟؟ ماما ليييييش جدة نورة و كل صاحباتها و قرايبنا ما يحبونا,, عشان انتوا مو سعوديات؟؟ طيب وش فييييييييها؟؟من جد شي يقهر اش هذاااااااااا,, نسرين بطيبة:معليش يا حبيبتي بكرة يعرفوا إيمتنا,,-قيمتنا- راما:أي بكرة انتي الثانية,, الحين لك 27 سنة تحاولين فيهم ما في نتيجة تبين بكرة يغير شي في الوضع,, -قالت مرام هالكلمة و هي ما تدري بكرة وش ممكن يسوي لهالعائلة- ركبوا الاصنصير للدور الثاني و وصلوا للجناح حق ام فهد,, دخلت ام فهد ووراها راما,, راما بقهر:يعني الحين ماما هاذي اللي انا رايحة و مكسرة رجولي و مضيعة وقتي –فز قلبها يوم تذكرت بندر- و حست عمري عشانها ما تحبك؟؟؟ نسرين بطيبة:لالالا مش مسألة ما تحبنيش,, بس يمكن هي ماعندهاش وأت تيقي لحد عندنا,, راما بعد تفكير,,:اممممممممم انتم كم بتقعدون عندها؟؟ نسرين و هي تطلع بنطلون اسود حرير واسع و بلوزة بيضا واسعة تلبسها:يعني تأدري تأولي نص ساعة,,ساعة بالكتير,, راما حكت راسها:اممممممممم ابروح معكم,,بس ما راح اقعد هالوقت ,, ابرجع ترا,, نسرين:فيكي الخير يا حبيبتي,, راما ابتسمت و طلعت آي بودها و حطت السماعات على آذانها و قعدت تسمع أغاني لباك ستريت بويز تنتظر امها تخلص عشان تروح معاهم,, ,,,,,,,,,,,,,,, في مكان ثاني و أرض ثانية بعيدة ... في مدريد..أسبانيا.. فوز:أففففف..جعلي أموووووووت و أفتك..ياااارب.. أم ياسر:لا يا حبيبتي مهوب زين تدعين.. أبو ياسر جاي من الغرفة و من شافته فوز صدت عنه.. أبو ياسر:هاه أشوف البوز شبرين..شفيها حبيبة أبوها؟؟ فوز:بابا ليش نرجع و الله مابي.. أبو ياسر موجه كلامه لأم ياسر:بنتك مدلعة..قاعدين أسبوعين هنا و ما شبعت.. أم ياسر:أووووه..مالي شغل فيها..أنت و بنتك تصرفوا..مو كل ما زعلت قلت بنتك مدلعة.. فوز تناظر أمها بعد اهتمام:شبلاك عصبتي؟؟توك شزينك؟؟يوم اقول مزاجية تهاوشيني,, أم ياسر قامت من الصالة و هي معصبة لسبب بسيط..((بنتها ما تحترم أحد)).. فوز:ها بابا شقلت؟؟ أبو ياسر:في وشو؟؟ فوز بتذمر:باااااااااباااااا..ما ابي ارجع السعودية.. أبو ياسر:أنتي ناسية وراك جامعة؟؟ما كفاك مخليتها و متليقفة معنا..و أخوك ما عنده أحد.. فوز بخبث:ههههه..شفيك..ناسي إني معتذرة الترم هذا..؟؟ أبو ياسر انحرج:أحم أحم..ولو ..مهما كان ما يصير..خلاص أنا حجزت و بكرة راجعين و نقاش في الموضوع هذا ما أبغى..يكفي اخوك هناك لحاله,,خلاص طولنا عليه,, فوز بعدم اهتمام و هي تلعب بشعرها:بصراحة زين جت منه هو ما جت منا ,, يعني من جدك بابا تبي تجيب مشلول معنا ؟؟ ابو ياسر بعصبية و صوت مرتفع:عيييييييييييب عليك هذا اخووووووووك,, تقولين عنه كذا,, فوز بدلع غبي :بااااااااااااابي,, مو قصدي بس و الله شغله احنا جايين نستانس مو جايين نمرّض,, قام أبو ياسر من الصالة قبل لا يصفق بنته المدللـه كف,,.. فوز لوت براطمها:آآآآآآآآآوووف ..الله يصبرني على هالقرف.. فوز لحقت أبوها للغرفة:طيب ممكن نطلع برا؟؟خلونا نودع أسبانيا؟؟بليييييييييييييييييييييييز.. أم ياسر:شقولك يا عبد الرحمن؟؟ أبو ياسر:خلوني افكر.. ابتسمت فوز بخبث خطتها نجحت و بتروح تشوف الضحية الجديدة اللي لعبت عليه,, مو منتبه او مطنشة علامات الانزعاج البادية على أبوها و أمها.. .... في السعودية,, في الشرقية,, مشاري معصب:وبعدين يعني؟؟؟بزر أنا قدامك تلعب علي بكلمتين .. الملف وين راح؟؟ سليمان:مشاري الله يهديك..أنا ما دخلت المكتب عشان آخذ الملف.. مشاري ضرب على المكتب بيده:سليماااان.. سليمان بدا يعصب:مشاري أنا مالي علاقة باختفاء الملف و قبل لا تتهم غيرك تفقد أحوالك..أنا ماشي.. طلع سليمان من المكتب تارك وراه مشاري اللي ينافخ من العصبية اللي فيه.. مشاري يكلم نفسه(أنا وش فيني؟؟ليه أعصب و هالملف وين راح؟؟يالللللله رحمتك..بس وش ذنب سليمان أحط حرتي فيه..أفففف..والله حاللللله..أعوذ بالله من الشيطان الرجيم.. شكلي بطلع من الشرقية أغير جو...كلللله منها.. هالبزر اللي قلبت كياااااني..أعوذ بالله أعوذ بالله) .... في الرياض,, راما تركب في الكرسي الخلفي اللي في الأرمادا,,مددت رجولها و هي تسمع سواليف امها و حريم عمانها,, كانوا بيروحون للمستشفى و كل وحدة تسولف على الثانية,, راما ما كانت مهتمة بسواليفهم,, طلعت جوالها تدق على فرح,, فرح بصوت مليان نوم:هاااااااااي,, راما:هاي يا النوامة,, فرح ابتسمت بعفوية:رومي,, راما:كيفك؟؟ فرح:not bad but I want to sleep راما:هههههههه كأنك تقولين سكري السماعة ابي انام؟؟ فرح ببراءة:ههههههههههه لا لا حرام عليك,, راما:امممممم ذاكرتي للامتحان بكرة؟؟ فرح:لا ,, انتي؟ راما:ماما ما خلتني ,, تخيلي مشورتني تقريبا 3 ساعات من بعد صلاة المغرب و انا اراكض عشانها,,تبي تزور حرمة تعبانة,, فرح :ههههههههههههههه معلييييش مهما كان هاذي امك,,-قالتها فرح بصوت هادي-,, راما حست بتوأم روحها و حبت تغير نفسيتها:اقول شرايك تجين اليوم تسهرين عندنا و تنامين عندي؟؟ فرح:ما ادري اشوف دادي.. راما:يله عااااااااااد متعب ماراح يعيي,, فرح زعلانة بس بصوت مليان دلع عفوي:هييييه انتي اسمه دادي مش متعب,,حرام عليك,, راما :ههههههههههه اوكي شوفي دادك و علميني اوكي؟؟ فرح:اوكي اقوله,, بس راما,, انا مستحية من باباتك و ماماتك,, راما:اقوووووووووووووول بلا هبل و ربي بيفرحون فيك خاصة بابا من زمان عنك يقول وينها البسة؟؟ فرح بضحك بريء:ههههههههههه,,الله يخليه لكم,, راما:المهم انا بسكر الحين و انتي علميني برد ابوك,, اوكي.. فرح:طيب يله باي,, راما:باي,, دخلت راما على الأسماء اللي في جوالها و شافت رقم يااااااااااااااااااما كلمته,,و ياااااااااااااااااااما كلمها,,"الله عليك يالدنيا كيف فرقتينا عن بعض,,يا ترى يا نورة كيفك الحين؟؟وش تسوين؟؟نسيتينا انا و فرح و الا ذاكرتنا؟؟وربي مشتاااااااااقة لك,,تكفين نونو ارجعي بسرعة,,والله شهرين كثيرة"ظلت راما تتأمل الرقم لين ظلمت شاشة الجوال و تقفل القفل الآلي,,نزلت الجوال في حضنها و سرحت بخيالها لبنت عمتها و نبض قلبها و صديقة راما و فرح الثالثة ,,,,, نـــــــــــــــــورة,,, في هالوقت في الامارات,, نورة معصبة :خلااااااااااااص طلعوني مليييييييييت,, ام نورة-عبير-:يا ماما لين نتطمن عليك بس,, نورة من بين اسنانها:ماما ترا قسم بالله ما فيني شي,, افففففففففففف,, مليت طلعوني خلاص حرام عليكم,, عبير:ابشوف الدكتور و ارجع لك,, طلعت عبير من الغرفة تروح تكلم الدكتور تشوف اذا بيكتب لها خروج او لأ,, في هالاثناء تمسح نورة دمعة نازلة على خدها,,تكره اللبس اللي هي لابسته,,تكره المغذي اللي لاصق في يدها,, تكره ضعفها ,, تكره قلبها اللي محسسها بالنقص,, تكره المستشفى و ريحته,,, مشتاقة للسعودية,,مشتاقة لعمانها و حريم عمانها الطيبات,,مشتاقة لفرح و راما,,مشتاقة لريان دلوعها,,لجولي و لين و جدتها نورة,,مشتاقة للرياض و للسعودية,,"فديت تراااااااااااااااابك يالسعودية ,, متى ارجع لك متى؟؟" انفتح الباب و دخل منه ابوها,, ابو نورة بصوت حنون:نوري شخبارك اليوم حبيبي؟؟ نورة بدلع لابوها و هي تحضنه و هو يمسح على شعرها:بابي و ربي مليت طلعني من هنا,, ابو نورة:طيب قلبي بس استني نتطمن عليك و اوعدك نطلعك,,وش تبين اكثر؟؟ نورة بدلع و هي عارفة مشاغل ابوها :ابي اروح للرياض,, ابو نورة ابتعد عنها شوي و قابل وجهها و بابتسامة:و المدرسة,, نورة بابتسامة امل ان ابوها يوافق :عادي بابا وربي عااااااااااااادي يعني كلها اسبوعين غياب و تبدا اجازة العيد كذا يصير شهر,, بابا بليييييييييييييز مرة محتاجة اروح لهم,,تكفى,, ابو نورة بتفهم:اشوف وضعي و نشوف امك وش تقول,, نورة نزلت راسها:اوكي,,اللي تبيه,, دخلت عبير:هلا حبيبي,, قام ابو نورة و باس خد زوجته:هلا عمري,,وين كنتي؟؟ عبير و هي تجلس على الكرسي:عند الدكتور,, اخيرا وافق يكتب لها خروج,, نورة تصفق بفرح:ياااااااااااااااااااااااييييييي,, ابو نورة عقب ما شاف فرحة بنته قرر يكملها :عبير نورة ودها ننزل للسعودية,,شرايك؟؟ أشرق وجه عبير من ذكر السعودية:و الله!!يـــــــــــا لييييييييت,, نورة ابتسمت بفرح و عيونها تلمع"جاية لكم يا راما و فرح,,جاااااااااية" ابو نورة:خلاص أبشوف وضعي شلون,, نورة بخيبة امل:بااااااااابا اذا قلت كذا يعني ما راح نروح,, ابو نورة:يا بابا و الله خايف عليك,, نورة نزلت راسها ما تبي تبكي قدام ابوها بس بان بصوتها العبرة:بابا يكفي اني معك هنا بعيدة عن اهلي و صاحباتي,, بعيدة عن راما و فرح,,بابا بليييييز ابي اشوفهم ,,, و ربي الغربة تذبح,, -رفعت راسها و الدموع بعيونها بس صوتها فيه حيوية-والله و الله اذا صار شي خلاص معد اسافر,, بليييييييييييييييز دادي,, ابو نورة هز راسه بتفهم و قام :يله انا بروح للشركة تبون شي؟؟ عبير قامت ورا زوجها تودعه بطريقتها ^-* نورة بصوت هامس:سلامتك,, فجأة دق جوال نورة و ابتسمت و هي تشوف اسم صاحبة الاتصال,, أسما,, نورة:ألوو,, اسما بصوت عالي و فرحة:نوروه يالخايسة وينج انتي؟؟ليش ما تردين على تيلفونج؟؟ويييييييييينج؟؟ نورة:والله كنت في اندونيسيا و توني جاية..باللهِ اش الغباء اللي في راسك هذا؟؟.. اسوم بفرفشة:شو الدلع اللي عايشة فيه انتي ,, سمعي انا اعرفج اليوم بتطلعين من المستشفى ما فيج صبر ,, باااااااجر تعالي عندنا بيتنا بنات عمي هني.. نورة تستهبل:بالله عليج...بنات عمج عندج..و تبيني ايي عندكم...شنو بايعة عمري عموه اسما..لا فديتج انتي تعرفيني انا و ولد عمج رشود ما نطيق بعض.....و هم انا و بنت عمج يزوي ما اواطنها... اسما:ههههههههههههههههههههه...تصدقين حلو عليج الاماراتي والله... نورة:والله....................اقول عطيتك وجه,,يله ابجهز نفسي و ابرجع البيت بعد شوي,, كلمتي انفال؟؟ اسوم تحك راسها:لا و الله ,, من زمان عنها؟؟و انتي؟؟ نورة:لا ,, آخر مرة يوم الاربعاء الماضي,, اسوم:انزين عيوني ارمسج عقب ,, انتبهي على نفسج ترا هااااه ما عندنا الا نورة وحدة ان صابها عوق اخوي يروح فيها ,, نورة تضحك:ههههههههههههههههههه على طاري اخوك,, شخباره غنوم؟؟ اسوم تتنهد:و لله شاقولج..دووووووووم يسألني عنج و انا اقوله ما ترد علي و الا نايمة و الا طالعة و الا مبسوطة و تزقح,, يا بنت الحلال روفي بحاله المسكين,, نورة بابتسامة:اسوم انتي و انا عارفة,, اسوم بروح مرحة <<<كأني أعرفها*_^,,:و انا عارفه و انفالوه عارفة و امج و اهلج و عربانكم كلهم,, الزبدة حبي بااااااااااااجر تعالي لي,,يله ماماتي تناديني ,, ارمسج عقب,, فمان الله,, نورة:باي,, سكرت نورة من اسما و هي تبتسم,, صاحباتها اسوم و انفال ,, اسوم الاماراتية,, انفال السعودية,,عيشوها بجو مرة حلو,, خففوا عليها شوي مرارة فراق فرح و راما,,, ((نورة انسانة فرفوشية و ما تحب الرسميات و عادي عندها أي شي تسويه ,, تشبه في صرقعتها راما و في دلعها فرح,,تجارة ابو نورة كان نصيبها الاكبر في الامارات عشان كذا انتقلوا هناك..اسماء تصير صديقة نورة وهم جيرانهم و بيوتهم جنب بعض اساسا ابو غانم و بو محمد شركاء في التجارة حتى ام غانم و عبير صديقات و عمرهم ما تفارقوا رغم فارق السن..غانم اخو اسما عمره 20 سنة يمووووووووووووووت على شي اسمه نورة بس نورة تعتبره اخ لها لان اخر شي تفكر فيه هو الحب و الزواج.........غانم ما كان يتعب من تجاهل نورة و هو عنده احساس قوي ان نورة بتكون له...نورة افكارها اكبر منها مليوووووووون مرة انسانة عقلها كبير رغم صغر سنها,,,جذابة و مملوحة,, سمرا و شعرها بني على لون الشوكولاتة طويل يوصل لنص ظهرها مدرج و عيونها عسلية لها حبة خال صغيرة في وسط خدها الايسر.. نحيفة و طول راما و فرح,, دلوعة في مشيتها و فيها غرور شوي بس قلبها ابيض مثل العسل )) ............................................... في السعودية,, في بيت الجدة نورة ,, كانت حلا طفشاااااااااااااااااااانة مرة و تبي تطلع بس محد يبي يطلع معها ,, لانا و لارا و ريف عندهم اختبار و لمار طالعة مع منصور و راما مع امها,, كانت تناظر التلفزيون في الصالة و يدها على بطنها ,, كانت لابسة شورت جينز و بلوزة بيضا مرسوم عليها وجه أصفر يطلع لسانه و تحته جملة أنقلش بالأسود,,مجعدة شعرها و حاطة مناكير ابيض ,, فجأة دق السنترال حق البيت,, ردت بطفش:آآآلو,, السنترال\أمير:طال عمرك عمتي نورة موجودة؟؟ حلا بزهق و تبي تسولف مع أي احد:اقول لا يكثر و حول الخط انا برد عنها,, امير:ابشري طال عمرك,, حلا كانت طفشانة لدرجة انو تبي احد تحط حرتها فيه,,طلع صوت يدل ان المكالمة تحولت,, حلا بطفش:نــعــــم!! ...:أنعم الله عليك؟؟مرحبا؟؟ حلا استغربت صوت الرجال اللي داق و تحس انها تعرف الصوت:هلا.. ...:كيف الحال؟؟ منى:هلا.. ...:وين عمتي نورة؟؟ حلا بعدم اهتمام:مو موجودة مين أقولها؟؟ ...:مشاري.. حلا سكتت و ملامحها صارت جامدة و قلبها يدق ملايين الدقات.. مشاري!! مشاري!!مشاري!!همست باسمه,, حلا ببرود يعكس البراكين اللي في قلبها و بنرفزة واضحة:آآآهاااا..طيب شي ثاني؟؟ مشاري اللي ما أعجبه أسلوب حلا في الرد و منقهر منها مررررررة و من برودها و من المشاعر اللي في قلبه لها قال و بكل قسوة:إيييه لو سمحتي مرة ثانية عدلي أسلوبك.... و بكل بساطة رقع السماعة في وجه حلا.. حلا مو ألوان الطيف و بس الا يطلع من أذنها بخار و وجهها حمممممممممممر و لعنت اهل مشاري في خاطرها و تلفظت بسبات اسبانية ,, :و الله و الله يا مشاري التبن لأخليك تدفع ثمن هالحركة ,, و انا حلا,, قامت حلا بعد ما فار دمها تبي تروّح عن نفسها ,, اتجهت للمسبح و طبت فيه بملابسها من القهر ,,, ,,,,,,,,,,,,,,,,,,,,,,,,,,,,,,, راما حست بوقوف السيارة:وصلنا!! مارلين:ايه تأبريني,, راما انتظرتهم لين نزلوا بعدين فتحت الكرسي و طوته و نزلت,, عدلت عبايتها,,و سوت كم حركة عشان توقف شعرها لانها حاطة عليه جل,, نسرين:محمود ,, نزل الأغراض و روح بيها لغرفة 317 الدور التالت,, هز محمود راسه و نزل و راح لشنطة السيارة و فتحها طلع سحب الهدايا و نزلها و شالها و هو ما يشوف طريقه ,, بس بقى باقة الورد ,, محمود:عمتي باقي الباقة,, راما بتأفف:خلااااااص انا بشيلها روح انت,, محمود:حاضر عمتي,, مشوا الحريم ببطء و هدوء بس بثقة و ركازة كأنهم حريم سعوديات بطريقة خلت كل واحد قابلهم أو شافهم يفتح خشته,, كانت أشكالهم ملفتة للنظر,, كل وحدة كانت مهتمة بنفسها و برستيجها,,راما كانت وراهم شايلة الباقة و حاطة السماعات على أذنها تسمع أغاني,, ركبوا الاصنصير و وصلوا للدور الثالث,, كان محمود بينزل,, نسرين:محمود استنى برا,,عشان ترجع راما و بعدين ترجع تاخذنا,, محمود:حاضر عمتي,, داروا الحريم على الغرف لين لقوا الرقم كل وحدة دخلت الا راما وقفت عشان تشيل السماعات ,, حست نفسها متورطة قامت رجعت عند الريبشن اللي في الدور الثالث و حطت الباقة على الطاولة و شالت السماعات و لفتها و حطتها في جيب البرمودا و رجعت شالت الباقة,, وصلت لعند الباب حاولت تمد يدها تفتح الباب و يوم وصلته انفتح و هي رجعت لورا,,,, راما بقهر h my sweet lord. what a stupid human bean you are!! لفت على جنب بتشوف الغبي اللي بغى يفتح الباب بوجهها و هي ناوية تكمل عليه بس بالعربي,, راما:ما........ و هنا ,,, نوصل لنهاية الباااااااااااارت ,,, v,hdm pdhm hgv,p ;hlgm rwm su,]dm v,lksdm < hg[.x hgshfu hg[sl hgv,p v,lksdm v,hdm ;hlgm | |
 |  |
|
| الكلمات الدلالية (Tags) |
| الجسم, الروح, رومنسية, رواية, كاملة |
| أدوات الموضوع | إبحث في الموضوع |
| انواع عرض الموضوع | |
|
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية حياة الروح كاملة قصة سعودية رومنسية ,الجزء السادس | وردة الخليج | ارشيف حواء للمواضيع المكررة والمحذوفة | 0 | منذ 4 أسابيع 01:19 AM |
| رواية حياة الروح كاملة قصة سعودية رومنسية جريئة, الجزء الحامس | وردة الخليج | ارشيف حواء للمواضيع المكررة والمحذوفة | 0 | منذ 4 أسابيع 01:15 AM |
| رواية حياة الروح كاملة قصة سعودية رومنسية جريئة, قصة جميلة | وردة الخليج | ارشيف حواء للمواضيع المكررة والمحذوفة | 0 | منذ 4 أسابيع 01:07 AM |
| رواية حياة الروح كاملة قصة سعودية رومنسية جريئة, قصة جميلة | وردة الخليج | ارشيف حواء للمواضيع المكررة والمحذوفة | 0 | منذ 4 أسابيع 01:04 AM |
| رواية حياة الروح كاملة قصة سعودية رومنسية جريئة, قصة جميلة | وردة الخليج | ارشيف حواء للمواضيع المكررة والمحذوفة | 0 | منذ 4 أسابيع 01:01 AM |
العرض العادي
